Korporatat mbështesin bursat europiane – Fitimet për 2022 rezultojnë më mirë se parashikimet e analistëve
Tregjet europiane janë hapur në rritje edhe në sesionin e fundit të javës, duke zgjeruar fitimet e një dite më parë, dhe janë mbështetur nga fitimet tremujore të korporatave dhe nga të dhënat pozitive ekonomike. Indeksi pan-Europiane STOXX 600 e ka nisur ditën në rritje me 0.4%, ndërsa sektori i ndërtimit kryeson fitimet, në rritje me 1%.
Të dhënat e publikuara mëngjesin e sotëm treguan se, ekonomia gjermane u kontraktua me 0.4%, në tremujorin e fundit të vitit të kaluar, ndërsa analistët parashikonin një rënie me 0.2%. Në anën tjetër, sipas një studimi në Mbretërinë e Bashkuar, konsumatorët janë më optimistë në lidhje me financat e tyre personale dhe mbi ekonominë. Njëkohësisht, investitorët po presin edhe të dhënat mbi të ardhurat personale, shpenzimet konsumatorë dhe shitjen e shtëpive të reja në SHBA.
Referuar korporatave, kompania Rolls-Royce e mbylli sesionin e kaluar në rritje me rreth 22%, pasi publikoi fitime rekord gjatë vitit 2022. Megjithatë, shqetësimet në lidhje me rritje e interesave nga bankat qendrore po kufizojnë fitimet e tregjeve të aksioneve.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.