Kreu i EDF premton kthesë 360 gradë – Kompania energjetike shënoi humbje rekord prej 18 miliardë euro

Kreu i kompanisë EDF, Luc Remont, u zotua se do ta kthejë prodhuesin francez të energjisë në rrugën e duhur, pas humbjes neto rekord prej 17.9 miliardë euro  në vitin 2022, e goditur nga një numër i paprecedent ndërprerjesh në reaktorët e tij.

Prodhimi nga centralet bërthamore të kompanisë ra në nivelin më të ulët në 34 vjet, duke e detyruar EDF të blinte energji elektrike në treg për të furnizuar klientët e saj. Por dhe pushtimi rus i Ukrainës rriti çmimet e energjisë në të gjithë Europën.

Fitimet e EDF u goditën gjithashtu nga masat e qeverisë për të kufizuar rritjen e faturave të energjisë elektrike për familjet franceze dhe për t’i mbrojtur ato nga rritja e inflacionit. Grupi, i cili është në procesin e shtetëzimit të plotë, regjistroi fitime bazë vjetore negative prej 5 miliardë eurosh dhe borxhi i tij neto u rrit në 64.5 miliardë euro, nga 43 miliardë një vit më parë.

Kreu ekzekutiv Luc Remont, i emëruar nga qeveria në nëntor për të reformuar grupin, premtoi para gazetarëve se cdo gjë do të kthehej në rugën e duhur. Ai tha se synonte prodhimin bërthamor në Francë midis 300 dhe 330 teravat-orë në 2023, nga 279 TËh vitin e kaluar – që ishte më i ulëti që nga viti 1988 dhe e ktheu Francën në një importues neto të energjisë elektrike për herë të parë që nga viti 1980.

Fitimet bazë për këtë vit pritet të jenë “dukshëm më të larta” se 18 miliardë euro të rezervuara në 2021. Grupi megjithatë duhet të financojë investime të mëdha prej 33 miliardë euro deri në vitin 2028 në reaktorët e tij ekzistues, ndërsa një plan i shpallur nga presidenti Emmanuel Macron për të ndërtuar gjashtë reaktorë të rinj deri në vitin 2050 pritet të kushtojë 52 miliardë euro. Por ai gjithashtu përballet me një faturë prej shumë miliardë eurosh për ndërtimin e uzinës së planifikuar Sizeëell C në Britani.

Qeveria franceze i ka dhënë Remont gjashtë muaj kohë për të hartuar një plan strategjik për ndërmarrjen, e cila gjeneron pjesën e kryesore të energjisë elektrike të vendit dhe është ndikuar nga vonesat dhe tejkalimet e kostove në projektet ekzistuese.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.