Kriza e gazit në Gjermani – Vendi s’mund të mbështetet më në dimrat e ngrohtë

Gjermania do e kalojë këtë dimër pa ndërprerje të mëdha në furnizimet me gaz, por kjo nuk nënkupton tejkalim të krizës energjetike. Shefi ekzekutiv i E.ON, një ndër operatorët më të mëdhenj të rrjeteve dhe infrastrukturës energjetike në Europë, u shpreh se familjet gjermane duhet të përpiqen më shumë në kursimin e energjisë.

Rezervat në magazinat e gazit në Gjernani ishin të mbushura deri në 79.2% që nga 30 janari, duke reflektuar lëvizjen e Berlinit për të shpenzuar miliarda euro në verë dhe në vjeshtë për të blerë gaz pasi ndërprerjes së furnizimeve nga Rusia. Ky nivel, i ndihmuar nga reduktimet e konsumit në industri dhe në familje, është dukshëm më i lartë se pragu 40% i vendosur nga rregullatori kombëtar i energjisë, nën të cilin situata e furnizimit të Gjermanisë do të bëhej kritike.

Por E.ON thekson se statistikat aktuale tregojnë se industria ka kursyer rreth 20% të gazit në muajt e fundit. Pjesërisht përmes efikasitetit më të madh të energjisë, por edhe duke reduktuar prodhimin. Por nga ana tjetër shkurtimet e prodhimit do të kërcënonin vendet e punës dhe pasurinë në ekonominë më të madhe të Europës në planin afatgjatë, tha Birnbaum. Kursimet e familjeve prej vetëm 10% deri më tani nuk kanë arritur të përputhen me nivelet e arritura nga industria. Sipas CEO-s së E.ON, kjo nuk mjafton pasi vendi nuk mund të mbështetet në një tjetër dimër të ngrohtë për të ndihmuar rezervat e gazit. Sipas tij nuk duhet krijuar një ndjenjë e rremë sigurie.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.