Kriza energjetike e Europës: Të jetosh pa ngrohje qendrore!

E mbërthyer nga një krizë energjie Europa është në modalitetin e kursimit të energjisë. Në disa vende po merren masa për të reduktuar konsumin, si në Belgjikë, ku njerëzit po marrin pjesë në eksperimentin SlowHeat, për të parë se si mund të përballen pa ngrohje qendrore.

Motoja e projektit është: ngrohni trupin, jo dhomën. Megjithatë, siç thotë Grégoire Wallenborn, një pjesëmarrës në eksperimentin SlowHeat, ai teston forcën mendore të dikujt.

“Ka çështje të zakonit që janë edhe fiziologjike edhe mendore”, thotë ai. “Dhe kjo do të thotë se ne mund të durojmë gjëra që nuk i kishim menduar kurrë më parë. Por ju duhet të shkoni gradualisht, secili me ritmin e tij. Nuk ka asnjë recetë universale.”

Diku tjetër, metodat për të përballuar varfërinë e karburantit janë më konvencionale. Në Tonnerre, në Francën qendrore, zyrtarët lokalë po shpërndajnë jorgan për njerëzit, veçanërisht pensionistët dhe ata me të ardhura të ulëta.

Është një problem në rritje në vend. I kursyer për pjesën më të madhe të këtij viti nga rritja e kostove të energjisë elektrike dhe ngrohjes, gjigandi shtetëror i energjisë EDF ka njoftuar një rritje të çmimeve të tarifave prej 15% për konsumatorët.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.