Kriza energjetike, Gjermanisë i duhen miliarda euro – Por, blerësit po i shmangen obligacioneve për shkak të paqëndrueshmërisë
Gjermanisë i duhen miliarda për të zgjidhur krizën e saj të energjisë, por blerësit po i shmangen obligacioneve të saj. Gjermania, e konsideruar si debitori më i besueshëm i Europës, ka probleme me shitjen e bonove të saj, në kohën që i duhen miliarda euro për të zgjidhur krizën energjitike në vend.
Ankandet e fundit kanë qenë të dobëta dhe dëshmuan sfidat e emetimit të borxhit në tregje të mbushura me pasiguri në lidhje me normat e interesit dhe shpenzimet shtetërore e kanë bërë më të vështirë situatën për Gjermaninë. Vendi kërkon të financojë skemën prej 200 miliardë euro për të reduktuar kostot e brendshme për energjinë.
Ministria e Financave shiti vetëm 1.78 miliardë euro të një obligacioni të ri të vitit 2029 në fillim të këtij muaji, për shembull, me ofertat totale që mbulojnë më pak se gjysmën e objektivit prej 4 miliardë eurosh.
E goditur rëndë nga varësia e tepërt e saj në energjinë ruse, Gjermania synon të marrë hua veçanërisht shuma të mëdha në vitet e ardhshme, me Parlamentin javën e kaluar që votoi për të pezulluar frenimin e borxhit që kufizon huamarrjen e re.
Ministria e Financave të Francës, në të kundërt, emetoi 10 miliardë euro obligacione afatmesme më 20 tetor. Rritja e emetimit vjen ndërsa Banka Qendrore Europiane po mendon planet për të filluar tkurrjen e zotërimeve të aseteve të saj nëpërmjet të ashtuquajturit shtrëngim sasior.
Pasiguria rreth huamarrjes dhe shtrwngimi sasior ka rritur paqëndrueshmërinë në tregjet e obligacioneve të zonës së euros. Paqëndrueshmëria po i pengon bankat që veprojnë si tregtarë për obligacionet gjermane nga oferta në ankandet e borxhit. Kushtet e ashpra të tregut nënkuptojnë se ata tregtarë nuk duan të marrin obligacione edhe pse ka kërkesë për borxhin e qeverisë si kolateral në marrëveshjet e tjera.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.