Kroatët dynden në Slloveni për të blerë ushqime pas adoptimit të euros
Kroatët po vërshojnë kufirin për të blerë sende ushqimore edhe pse standardi i jetesës dhe pagat e Sllovenisë janë shumë më të larta, që do të thotë se edhe çmimet duhet të jenë më të larta. Sllovenia iu bashkua eurozonës në vitin 2007, por Kroacia u bashkua vetëm më 1 janar të këtij viti dhe po kalon një tranzicion të vështirë.
Përkrahësit e shohin adoptimin e euros si një mjet për zgjerimin e mundësive ekonomike dhe për ta bërë tregtinë më të qetë dhe më pak të kushtueshme. Por për qytetarët mesatarë kroatë, ka qenë një fatkeqësi.
Jo domosdoshmërish për shkak të vetë euros. Në të gjithë vendin, konsumatorët janë përballur me çmime në rritje për mallrat dhe shërbimet bazë të paktën që nga tetori i vitit të kaluar, shumë përpara se monedha të miratohej zyrtarisht.
Tendenca që dyqanet të rrumbullakosin në euron më të afërt – rreth 7.5 kuna, monedha e mëparshme, është e barabartë me 1 euro, sapo ka qenë qershia në krye të disa muajve të vështirë.
Në fakt, zinxhirët e supermarketeve shpesh akuzohen për lojëra të ndyra kur bëhet fjalë për çmimet, dhe Komisioni Europian ka nisur hetime vitet e fundit. Ndërkohë Sllovenia vazhdon të shohë një fluks kroatësh që kalojnë kufirin për të bërë blerjet e tyre deri në atë masë sa po godet furnizimet.
Interesi për njerëzit që blejnë mallra bazë në Slloveni është rritur aq shumë, sipas vendasve, sa që nëse ndodh që të shkoni në një dyqan në fund të javës, “raftet priren të duken goxha të ‘zhveshura’ për shkak të numrit të shtuar të njerëzve që shkojnë për të blerë atje.”
Edel Strazimiri / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.