Kush i shpiku patatinat në qese?!

Patatet e skuqura në qese të mbyllura lindën në mesin e shekullit të nëntëmbëdhjetë nga një kuzhinier. Të paktën kështu tregon versioni zyrtar.

E pamundur të mos i duash patatet e skuqura, si ato që bëjmë në shtëpi, që gjejmë në restorante dhe fast food, ashtu edhe ato në qese që mund t’i hamë kudo. Por kush e krijoi këtë shpikje kulinarie? Versioni më zyrtar thotë se duhet të falënderojmë George Crum, një kuzhinier në restorantin Lake House në Saratoga Springs, Nju Jork, i cili i shpiku ato në 1853 kur një klient refuzoi të hante pjatën e tij me patate të skuqura sepse ishin shumë të mëdha.

Crum vendosi ta mashtrojë: ai i preu patatet në mënyrë që të ishin shumë të holla, pothuajse transparente dhe pasi i kishte skuqur në vaj të nxehtë i spërkati me kripë. Ai ishte i bindur: do të ishin të vështira dhe të pangrënshme.

Ndryshe nga pritshmëritë e tij, ato patate të skuqura u pëqyen shumë. Jo vetëm që klienti i pakëndshëm i përpiu me ëndje, por klientët e tjerë vinin në restorantin e tij duke kërkuar gjithnjë e më shumë. Ato patate të skuqura që u servirën të nxehta nuk ishin ende të ngjashme, megjithatë, me ato që gjejmë në qese dhe që janë në temperaturën e dhomës. Por Crum, edhe një herë, pati një ide: kur hapi restorantin e tij të ri, vendosi një shportë me patatina të ftohta në çdo tavolinë.

Në vitin 1926, Laura Scudder, një sipërmarrëse kaliforniane, doli me idenë e shitjes së patateve të skuqura që shiteshin në kanaçe ose enë qelqi në qese letre të mbyllura. Në këtë mënyrë, patatet e skuqura qëndruan të freskëta dhe krokante për më gjatë. Dhe së fundi, edhe në sajë të ambalazhit celofani, ato u prodhuan në të gjithë botën.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.