Kush përfiton e kush humbet nga rritja e pagës minimale – Paralajmërimi i kryeministrit dhe kërkesa për “amortizator’ nga biznesi

Rritja e inflacionit ka bërë që shumë qeveri të marrin marrin masa përmes paketave ndihmëse e politikave fiskale që të ndihmojnë shtresat me të ardhura më të ulëta që janë edhe më të ndjeshme ndaj rritjes së çmimeve. Në këtë kontekst, veç ndihmës me para në dorë apo indeksimit të pagave e pensioneve, qeveria shqiptare ka ndjekur praktikën e rritjes së pagës minimale si një mënyrë për t’u siguruar më shumë të ardhura aty që marrin pak. Kryeministri ka paralajmëruar sot se do të ketë një rritje tjetër të pagës minimale.

Kjo masë, në fakt shkon në favor të punonjësve me të ardhura të ulëta. Por e pashoqëruar me një masë tjetër lehtësie, rrezikon të kthehet në një barrë për biznesin. Sa herë rritet paga minimale, biznesi detyrohet të rrisë jo vetëm fondin e pagave që do pahguajë, por edhe fondin për sigurimet shoqërore e shëndetësore. Në këtë mënyrë, e gjithë ngarkesa shkarkohet të biznesi, që po përballet gjithashtu me rritjen e kostove si rrjedhojë e rritjes së çmimeve. Një nga bizneset më të ndjeshme në këtë aspekt, janë ato që punojnë me material porositësi.

“Jemi bisedime por ajo që dua të theksoj është se çdo shtesë në pagën minimale ka nevojë për një amortizator përsa i përket biznesit prodhues. Siç e dimë fondi i pagave në menazhimin e ndërmarrjeve tona, do na çrregullonte politikën e pagave në ndërmarrjet tona, bashkë me këtë do të ishte dhe një vështirësi tjetër përsa i përket përllogaritjes së çmimeve dhe mbarëvajtjes së ndërmarrjeve tona, ne kemi kmontrata minimale 1 vjecare dhe këtu nisin dhe problemet,” u shpreh Florjan Zekja, Shoqata Prodhuese e Veshjeve.

Kjo nuk është hera e parë që bizneset kërkojnë një politikë më të kujdesshme sa i përket pagës minimale. Praktika e mëparshme ka qenë që rritja e pagës minimale të mos shoqërohej nga një lehtësi për biznesin. Kjo ka bërë biznesi t’i adresohet me një paketë masash qeverisë, duke i kërkuar miratimin e saj.

“Ne kemi parashtruar disa kërkesa me paketën e manifrakturës, me krizën energjitike, cveshtjen e euros levizjen e punëtorëve të huaj etj,” u shpreh Florjan Zekja.

Deri në fund të vitit 2023 është parashikuar që paga minimale të arrij në 40000 mijë lekë, ndërsa deri në fund të 2025 pritet që paga minimale të arrij 45000 lekë.

Diamila Leka / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.