Lamborghini lego në Motor Show Paris – U ndërtua me 400 mijë copa plastike dhe ka të njëjtat përmasa si ajo e vërteta
E ndërtuar tërësisht me 400 mijë copa plastike Lego, një supermakinë e gjelbër e ndezur Lamborghini u prezantua në Motor Show në Paris. Supermakina ka të njëjtat përmasa si ajo e vërteta, një Lamborghini Sian FKP 37. Lego tha se një ekipi prej pesëmbëdhjetë personash iu deshën 9 mijë orë punë për të konceptuar dhe ndërtuar kopjen.
Vizitorët në panairin e automjeteve në Paris do të jenë në gjendje të luajnë me një ekran me prekje, i cili shkakton zhurmën e motorit dhe kontrollon ndriçimin brenda dhe rreth makinës.
Për ata që nuk mund të përballojnë Lamborghini-n e vërtetë, Lego Technics ofron një version 1:8 të makinës në faqen e tyre zyrtare me një çmim prej 450 euro.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.