“Lehtësohen” çmimet e prodhimit në Gjermani – Gjithsesi, ritmi mbetet më i ulët se pritshmëritë

Çmimet e prodhimit në Gjermani u rritën më shumë se sa pritej në janar, megjithëse ritmi i rritjes u lehtësua për të katërtin muaj radhazi, duke sinjalizuar se inflacioni në ekonominë më të madhe të Europës mund të fillojë të bjerë.

Çmimet e prodhimit të produkteve industriale u rritën me 17.8% në të njëjtin muaj të vitit të kaluar, raportoi Zyra Federale e Statistikave, krahasuar me pritshmëritë e analistëve për lehtësimin e normës së rritjes në 16.4%.

Krahasuar me dhjetorin 2022, çmimet ranë 1%, që ishte mbi konsensusin për një rënie prej 1.6%. Rënia u shkaktua nga një rënie prej 5% e çmimeve të energjisë elektrike.

Megjithatë, çmimet e energjisë ishin gjithashtu përgjegjëse në masë të madhe për rritjen nga viti në vit, duke u rritur me 32.9% në vit. Indeksi i përgjithshëm i çmimeve të prodhimit pa marrë parasysh energjinë u rrit me 10.7% në vit.

Përveç kostove të energjisë, çmimet u rritën ndjeshëm edhe për mallrat e konsumit jo të qëndrueshme, mallrat e ndërmjetme, mallrat e konsumit afatgjatë dhe mallrat kapitale, gjë që tregon se presionet mbi çmimet janë të përhapura.

Moody’s pret që lehtësimi i kufizimeve të ofertës, çmimet më të ulëta të energjisë dhe ndikimi i politikës më të shtrënguar monetare të kontribuojnë në një moderim më të gjerë të inflacionit të çmimeve të prodhimit gjatë këtij viti.

Shifrat për muajin janar janë paraprake dhe priten të rishikohen, pasi në ‘to nuk llogariten masat lehtësuese për të ndihmuar konsumatorët dhe bizneset me faturat e gazit dhe energjisë elektrike, të cilat do të paguhen në muajin mars dhe do të mbulojnë në mënyrë retroaktive janarin dhe shkurtin.

Shifrat e rishikuara për çmimet e prodhimit në dy muajt e parë të vitit do të publikohen së bashku me rezultatet paraprake për muajin mars.

Dorina Kurtaj  / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.