“Liberalizoni tregun për panelet diellore” -2 pr.ligje nga Vasili: Leja për vetëprodhuesit të miratohet nga OSHEE, të bëhet netimi vjetor

Lehtësim i procedurave të miratimit për instalimin e paneleve diellore për qëllime autokonsumatore, si dhe centraleve që nuk janë objekt koncesioni”. Ky është një nga propozimet e deputetit, Petrit Vasili, me qëllim liberalizimin e tregut, çka sipas tij do te mobilizoje nje gatishmeri me te madhe te konsumatoreve familjare e private per te investuar ne keto impjante, duke shmangur pengesat burokratike.

Në ndryshimet ligjore të propozuara nga deputeti, kërkohet që për veteprodhuesit, ndertimi i kapaciteteve te energjise nga burimet e rinovueshme deri ne 2MW, qe prodhojne energji elektrike nga dielli, të miratohet nga Operatori i Shpërndarjes së Energjisë Elektrike, nepërmjet miratimit te pikes se lidhjes dhe miratimit te aksesit per palet e treta.

Ndërkohë që, ndertimi i kapaciteteve te reja prodhuese, te cilat nuk jane objekt koncesioni, ose me kapacitet prodhues deri ne 2 MW, të miratohen nga Agjencia pergjegjese per burimet natyrore dhe jo nga ministri, sikurse është aktualisht. Paralelisht, Vasili kërkon ndryshime edhe në ligjin “Për nxitjen e përdorimit të energjisë nga burimet e rinovueshme”.

Këto ndryshime përputhen me kërkesat e vazhdueshme të biznesit, që kërkojnë lejimin e një fuqie të instaluar prej 2 MW dhe 0.5 MW, sikurse është deri MW tani. Po ashtu, kërkohet netimi vjetor i energjisë, dhe jo ai mujor që është kthyer në pengesë për shfrytëzimin e impianteve.

Këto propozime vijnë në një kohë kur qeveria ka nxjerrë për konsultim publik një ligj tërësisht të ri në këtë drejtim e ku propozon skemën për matjen vjetore. Ndërkohë që, sa i takon kapacitetit të lejuar për t’u intaluar, projektligji i qeverisë nuk parashikon rritje, duke e kufizuar në 0.5 MW.

Ola Mitre / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.