Mercedes-Benz i shet aksionet investitorit vendas pas largimit nga Rusia – Firma të tjera automjetesh gjithashtu po largohen

Mercedes-Benz është prodhuesi më i fundit perëndimor i automjeteve që doli nga tregu rus, duke u shitur aksione në filialet e tij të shërbimeve industriale dhe financiare investitorëve vendas, rrjetit të tregtarëve Avtodom, por duke mbajtur një aksion prej 15% në kamionët Kamaz.

Prodhuesi gjerman i makinave ndaloi prodhimin dhe eksportimin në Rusi në fillim të marsit, disa ditë pasi shpërtheu lufta në Ukrainë.

Wall Street Journal raportoi se kompania ka marrë një humbje prej 1.1 miliardë dollarësh në sipërmarrjen e saj ruse, pavarësisht se shefi financiar, Harald Wilhelm tha se humbja “nuk do të kishte një ndikim të rëndësishëm” gjatë prezantimit të fitimeve të tremujorit të tretë.

“Përfundimi i transaksionit është subjekt i miratimit nga autoriteti rregullator i tregut, si dhe i kushteve të kontraktuara”, tha Wilhelm.

Ford së fundmi shiti 49 për qind të aksioneve në sipërmarrjen e tij të vitit 2011 për të prodhuar dhe shpërndarë automjete në Rusi.

Kompania tha se aksionet e Fordit do t’i transferohen sipërmarrjes së përbashkët me një vlerë nominale, por me paralajmërimin se Ford mund t’i rimarrë ato brenda pesë viteve “nëse situata globale ndryshon”.

Mercedes dhe Ford i bashkohen një liste të gjatë të kompanive të automobilave që janë tërhequr pjesërisht ose plotësisht nga Rusia, duke përfshirë Toyota, Renault, Jaguar Land Rover, Rolls-Royce, Aston Martin dhe kompani të ushqimit të shpejtë si McDonald’s dhe Starbucks.

I njohur me klasën e mesme të konsiderueshme të Rusisë, Mercedes shiti 9,558 automjete Mercedes nga janari në shtator, 72.8% më pak nga një vit më parë, sipas Shoqatës së Bizneseve Evropiane.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.