Microlino ndez automjetin me flluska – Vëllezërit zviceranë prezantojnë modelin elektrik mikro

Dy vëllezër zviceranë po kërkojnë të rikthejnë vendin e tyre në hartën e prodhimit të mjeteve duke ringjallur një klasik të automobilizmit të viteve 1950, duke i shtuar një kthesë elektrike.

Oliver dhe Merlin Ouboter kanë lançuar një version të ri të makinës mikro, të modeluar sipas makinës flluskë Isetta të BMW, këtë herë me katër rrota, jo me tre.

Microlino i ri zëvendëson motorin e vjetër të benzinës me një motor elektrik 12.5 kilovat duke i dhënë atij një distancë deri në 230 km dhe një shpejtësi maksimale prej 90 km në orë. Pesha e tij e lehtë – 496 kg – dhe madhësia e vogël – 2.5 metra e gjatë – zvogëlojnë ndikimin mjedisor të automjetit dhe e bëjnë më të lehtë parkimin në hapësira të vogla.

Oliver Ouboter, kreu drejtues në Microlino AG u shpreh se ideja ishte të krijohej një alternativë ndaj automjeteve konvencionale. Sipas tij Microlino e bën këtë shumë më mirë se biçikletat – është i mbrojtur nga moti, ka hapësirë ​​për ngarkesa si dhe mund të ketë dy njerëz të ulur pranë njëri-tjetrit.

Më shumë se 35 mijë porosi janë marrë deri tani nga Microlino, i cili po prodhohet në Itali dhe kushton mbi 16 mijë dollarë.

Prindërit e Oubuters – kompania e të cilëve ka shitur 90 milionë kick skuter – kanë investuar më shumë se 10 milionë franga në projekt, megjithëse vëllezërit nuk pranuan të specifikojnë se sa.

Më shumë e njohur për çokollatën, orët dhe shërbimet bankare, Zvicra kishte një industri makinash në fillim të shekullit të 20-të, me marka të harruara prej kohësh si Ajax, Fischer dhe Turicum. Kostot e larta të prodhimit dhe një treg i vogël shtëpiak falimentuan shumë prej tyre, megjithëse Zvicra ende është në pritje të disa prodhuesve të veçantë.

Dorina Kurtaj / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.