Ministrja e Turizmit në Vlorë: Aplikimi për menaxhimin e plazheve, deri në 30 nëntor. Sistemi nuk hapet për herë të dytë!

Ministrja e Turizmit dhe Mjedisit Mirela Kumbaro Furxhi së bashku me kryeministrin Edi Rama në një takim me turopeatorët e qytetit të Vlorës, njoftoi se vitin tjetër qyteti do të përfshihet në ato bashki që do të mbështeten me forca shtesë pastrimi nga Agjencia Kombëtare e Bregdetit.

Ajo gjithashtu kujtoi se aplikimi për marrjen në menaxhim të përkohshëm të parcelave të plazheve do të vazhdojë deri në 30 nëntor dhe sistemi nuk hapet për herë të dytë.

Sipas ministres do të aplikohet edhe stacionet e bregëzim/ankorimit, ose ndryshe vendet e përcaktuara të parkimit për mjetet ujore.

“Operatorët turistikë detarë duhet të certifikohen sipas ligjit pranë Ministrisë së Turizmit dhe Mjedisit,  përndryshe s’do të mund ta ushtrojnë aktivitetin e tyre,” tha ajo.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.