Mishi sintetik në tryezat e europianëve që këtë vit – Europa kërkon dritë të gjelbër, alarm pas miratimit të pulave të laboratorit
Kërkesat e para që mishi sintetik të mbërrijë në tryezat e ngrënies, në Europë mund të zyrtarizohen brenda këtij viti. Alarmi për situatën e krijuar është vënë nga Coldiretti – konfederata kombëtare e kultivuesve të drejtpërdrejtë – në Itali. Kjo dhe pas dritës jeshile në nëntorin e viti të kaluar nga autoritetet amerikane për mishin e pulës së prodhuar në laborator. Një hapje e tillë në Europë mund të mbërrijë më shpejt se sa pritej. Sipas kultivuesve ky do të ishte një kërcënim vdekjeprurës për agrokulturën, shëndetin e konsumatorëve dhe biodiversitetin e planetit.
Kundër mundësisë për një miratim nga ana e Brukselit për një kërkesë të tillë, deri tani janë mbledhur pothuajse 400 mijë firma, përfshirë dhe kryeministren e Italisë e ministren e agrokulturës dhe sovranitetit yhshqimor. Por listës i janë bashkuar shumë politikanë italianë dhe evropianë, kryebashkiakë, sipërmarrës dhe figura të larta fetare. Mbledhja e firmave promovon një ligj që do të ndalonte prodhimin, përdorimin dhe tregtimin e ushqimit sintetik. Madje disa politikanë e kanë cilësuar këtë mundësi si ‘Frankeshtajni në pjatë’. Ata këmbëngulin se ushqimi sintetik nuk është i mirë dhe se prodhimi i tij në laborator do të asgjësonte ekonominë e qëndrueshme, mënyrën e jetesës dhe qytetarinë.
Për të mbërritur në tryezat e ngrënies, një biftek sintetik duhet të përshkrojë të njëjtin itenerar që ndoqën në Europë insektet, për t’u lejuar në gatime. Fillimisht autorizimi i komisionit të Bashkimit Europian dhe më pas ai i Autoritetit Europian për sigurinë ushqimore që do të miratonte cdo përgatitje të specifikuar.
Dortina Kurtaj / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.