“Mister” fituesi i tenderit të ARRSH – Fondi limit, 58.1 milionë lekë. Kërkohet eleminimi i 21 pikave të zeza në rrugë, rrezik aksidenti!
Pavarësisht se Autoriteti Rrugor Shqiptar ka shpallur fituesin e tenderit për eleminimin e pikave të zeza në rrugë, kompania që do të kryejë punimet është e panjohur.
Kjo pasi, në sistemin elektronik të Agjencisë së Prokurimit Publik nuk është bërë publik emri i saj, sikurse ndodh me të gjitha procedurat e tjera në përmbushje të detyrimeve ligjore. Tenderi me vlerë 58.1 mln lekë, u hap në fillim të muajit gusht, teksa në dokumentet e tenderit ishin evdientuar dhe pika e zeza në rrjetin rrugor kombëtar, ku do të duhet të ndërhyhet.
Në total janë 21 pika në segmente të ndryshme rrugore, të identifikuara si burim aksidenti do të eleminohen, duke synuar rritjen e sigurisë në rrugë. Vendet ku do të ndërhyhet ndodhen në Velipojë, në segmentet Fier – Levan, Plepa – Rrogozhinë, Cerrik – Banjë, etj.
Sipas dokumenteve të tenderit, lista me pikat më problematike është bazuar në informacionin e marre nga Policia Rrugore dhe Instituti i Transportit, lidhur me prioritetin e Pikave te Zeza, dhe njëkohësisht bazuar ne databazen e aksidenteve me numrin me te larte te fataliteteve dhe plagosjeve te renda, ndërsa theksohet se kërkohet ndërhyrjen e menjëhershme per eliminimin e tyre.
Ndërhyrjet janë në varësi të secilës prej tyre, duke përfshirë ndriçimin, vendosjen e tabelave orientuese, zgjerimin e rrugës, ashpërsim asfalti për tërheqjne e vëmendjes së drejtuesve të mjeteve, etj.
Me shpalljen e fituesit të tenderti, kompania do të kenë 8 muaj kohë për ekzekutimin e kontratës. Sipas të dhënave nga Instituti i Statistikave në periudhën janar-qershor të këtij viti janë shënuar 581 aksidente rrugore.
Ola Mitre / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.