Monedhat vijojnë qëndrueshmërinë – Investitorët po presin procesverbalin e takimit të fundit të FED
Tregu monetar po shfaqet i qëndrueshëm edhe në sesionin e sotëm, pasi investitorët po presin procesverbalin e takimit të fundit të Rezervës Federale, për të mësuar më tepër detaje mbi inflacionin dhe rritjen e normave të interesit.
Indeksi që mat ecurinë e dollarit amerikan përballë gashtë monedhave kryesore ndërkombëtare po qëndron në rreth 107.1, ndërsa në sesionin e kaluar ra me rreth 0.6%.
Më herët gjatë këtij muaji, shefi i Rezervës Federale, Jerome Powell deklaroi se, ndërkohë që kostot e huamarrjes duhet të rriten më tej, banka qëndrore do të vijojë të rrisë normat e interesit, por me një hap më të ngadaltë në të ardhmen.
Tashmë, investitorët presin që norma bazë e interesit të arrijë në 5.5% deri në shtator të vitit 2023. Ndërkohë, në fokus të tregjeve do të jetë situata e Covid-19 në Kinë, pasi disa qytete po përballet me një numër shumë të lartë infektimesh.
Në tregun e kriptomonedhave, duket se është rikthyer qetësia në sesionin e sotëm, pas luhatjeve të mëdha në ditët e fundit. Bitcoin po tregtohet në rreth 16,500 dollarë, ndërsa ethereum po tregtohet në rreth 1160 dollarë.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.