Nafta bie me rreth 6 dollarë, gjatë kësaj jave – Ndikon rritja e infektimeve me Covid-19 në Kinë. Tregjet presin inflacionin në SHBA
Nafta ka vijuar tendencën në rënie edhe ditën e sotme, duke publikuar humbje për të katërtin sesion me radhë. Kufizimet e reja kundër Covid-19 në Kinë, që është importuesja më e madhe e naftës në botë, kanë ndikuar në ngadalësimin e kërkesës.
Ndërkohë, investitorët po presin të dhënat mbi inflacionin në SHBA, që do të japin një panoramë më të qartë mbi politikat që do të ndjekë Rezerva Federale. Nafta Brent e Londrës po tregtohet në rreth 92 dollarë për fuçi, ndërsa nafta Bruto amerikane po tregtohet në rreth 85 dollarë për fuçi.
Të dy bençmarkët kanë humbur rreth 6 dollarë në katër sesionet e fundit, ose në rënie me rreth 7%. Qyteti i Guangzhout në Kinë, me rreth 19 milionë banorë, raportoi mbi 2 mijë raste të reja me Covic-19, dita e tretë me radhë në rritje. Për këtë arsye, autoritetet e kanë vendosur qytetin në karantinë dhe kanë filluar testimet masive.
Referuar të dhënave në SHBA, rezervat e naftës bruto u rritën me 3.9 milionë fuçi, gjatë javës së kaluar, sipas Agjenicsë për Informimin mbi Energjinë, niveli më i lartë që nga korriku i vitit 2021.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.