Nafta, e qëndrueshme pranë 105 dollarë – Çmimet, në rënie për të dytën javë me radhë. Shqetëson ngadalësimi i kërkesës

Nafta po tregtohet e qëndrueshme në sesionin e fundit të kësaj jave, pas një rimëkëmbje me rreth 4 dollarë në sesionin e kaluar. Investitorët mendojnë se ngadalësimi i ekonomisë globale dhe mundësia për një recesion po dëmtojnë kërkesën për naftë, por në anën tjetër furnizimi i tkurrur i tregut po kufizon humbjet.

Nafta Brent e Londrës po tregtohet në rreth 105 dollarë për fuçi, ndërsa nafta Bruto amerikane po tregtohet në rreth 102 dollarë për fuçi.

Në sesionin e kaluar, të dy bençmarkët u rritën me rreth 4%, por pritet të publikojnë humbje për të dytën javë me radhë. Në ditën e mërkurë, Brenti i Londrës ra me 10.73 dollarë, rënia më e madhe ditore që nga viti 1988, kur filloi tregtimin kjo kontratë. Bankat qëndrore në të gjithë botën po rrisin normat e interesin për të mbajtur nën kontroll inflacionin, duke rritur kostot e huamarrjes dhe duke i shtyre ekonomitë drejt recesionit.

Të dhënat zyrtare të publikuara nga Administrata për Informimin mbi Energjinë treguan se furnizimi i tregut, që është treguesi më i mirë për kërkesën konsumatore, është rritur në 20.5 milionë fuçi në ditë gjatë javëve të fundit. Gjithashtu, rezervat e naftës bruto u rritën me 8.2 milionë fuçi, gjatë javës së kaluar, shumë më tepër se parashikimet e analistëve.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.