Nafta, sesioni i dytë me radhë në rënie Brenti i Londrës tregtohet pranë 92 USD, ndikon ngadalësimi i kërkesës

Nafta po qëndron në rënie të lehtë gjatë ditës së sotme, duke publikuar humbje për të dytën ditë me radhë. Gjithsesi, humbjet po kufizohen nga zbutja e tensioneve gjeopolitike, por rritja e infektimeve me Covid-19 në Kinë po ushton presion mbi çmimet.

Nafta Brent e Londrës po tregtohet pranë 92 dollarë për fuçi, ndërsa nafta Bruto amerikane po tregtohet në rreth 85 dollarë për fuçi. Të dy bençmarkët ranë me mbi 1.2% në sesionin e kaluar, pasi tubacioni Druzhba, që transporton naftë nga Rusia drejt Hungarisë rifilloi punën.

Polonia dhe aleanca ushtarake e NATO-s deklaruan të mërkurën se raketa që shkaktoi dy viktima në Poloni ishte lëshuar nga Ukrania për tu mbrojtur ndaj raketave ruse. Referuar të dhënave të tjera, rezervat e naftës bruto në SHBA ranë me 5.4 milionë fuçi, gjatë javës që u mbyll më 11 nëntor, në totalin e 435.4 milionë fuçive, njoftoi Agjencia për Informimin mbi Energjinë.

Investitorët janë të fokusuar edhe te situata e Covid-19 në Kinë, pasi autoritetet vijojnë të ndjekin ende politikën zero-Covid. Komisioni Kombëtar i Shëndetit në Kinë raportoi mbi 23 mijë raste të reja me Covid-19 ditën e ndjeshme, por rreth 20 mijë prej tyre ishin asimptomatikë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.