Nafta zbret pranë 78 USD – Të dyja kontratat ranë me mbi 4% në sesionin e kaluar

Nafta po qëndron në rritje të lehtë në sesionin e sotëm, duke rikuperuar një pjesë të vogël të humbjeve të konsiderueshme të një dite më parë. Çmimet po mbështeten nga parashikimi i OPEC se kërkesa do të rimëkëmbet ndjeshëm në Kinë.

Megjithatë, investitorët vijojnë të jenë të shqetësuar për ngadalësimin e ekonomisë globale, si pasojë e shtrëngimit të politikave monetare nga bankat qendrore. Nafta Brent e Londrës po tregtohet në rreth 78 dollarë për fuçi, ndërsa nafta Bruto amerikane po tregtohet në rreth 72 dollarë për fuçi. Në sesionin e së martës, të dyja kontratat ranë me mbi 4%, duke prekur nivelin më të ulët në 3 muajt e fundit.

Organizata e Vendeve Eksportuese të Naftës rriti parashikimin për kërkesën në Kinë, gjatë këtij viti, për shkak të heqjes së kufizimeve kundër përhapjes së Covid-19.

Referuar zhvillimeve të tjera, rezervat e naftës bruto në SHBA u rritën me 1.2 milionë fuçi, gjatë javës së kaluar, sipas të dhënave të Institutit Amerikan të Naftës. Megjithatë, investitorët po presin të dhënat zyrtare që publikohen nga Administrata për Informimin mbi Energjinë, që publikohen më vonë gjatë ditës së sotme.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.