Ndryshon mbështetja për energjitë e rinovueshme – Ligji i ri/ MIE: Do jepet vetëm me ankande. Mziu: Shumë kompetenca në dorë të ministrit!

Dhënia e masave mbështetëse për burimet e reja të energjisë së rinovueshme do të jepet vetëm përmes ankandeve”. Gjithçka u bë me dije gjatë prezantimit të ligji të ri “Për nxitjen e përdorimit të energjisë nga burime të rinovueshme” në komisionet parlamentare, çka nënkupton heqjen e mbështetjes që garantohej deri më tani për burimet e vogla të prodhimit të energjisë.

Gjatë prezantimit u risollën në vëmendje edhe disa prej risive, sikurse është matja vjetore për vetëprodhuesit.

Sipas përfaqësuesve të ministrisë, përmes ndryshimeve që parashikohen në dokumentin e ri synohet arritja e objektivit për vitin 2030, për përdorimin e 54% të energjisë nga burime të rinovueshme.

Deputetët e opozitës kritikuan shtimin e kompetencave që ligji i ri i jep ministrit. Në mbledhjet në vijim, projektligji do të diskutohet edhe me grupet e interest, teksa pak ditë më parë përfaqësues të biznesit shprehën rezerva për kufizimin e kapacitetit të lejuar për t’u instaluar për qëllime autokonsumatore në 0.5 MW.

Ola Mitre / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.