Në 27 vite paga minimale ndryshon 22 herë – Nga 1 prilli rritet për herë të parë me 6 mijë lekë më shumë!

Rritja e pagës minimale në 27 vite në Shqipëri ka ndryshuar plote 22 herë. Nga të dhënat ndër vite, ndryshimet e para të pagës minimale kanë nisur në 1996 nga ku ishte 4400 lekë.

Por, cila ka qenë ecuria e rritjes së pagës minimale në vite?

Në dekadën e që përkon me vitin 1996 e deri në 2006, rritjet nuk kanë qenë të ndjeshme, por kanë evoluar ndër vite.

Në 2007-ën nuk ka pësuar asnjë rritje, por në vitet  2008-2009 trendi i rritjes ka vazhduar me 2 mijë lekë përkatësisht viteve.

Në përiudhën 4-vjeçare që përkon me vitet 2010-2013 paga minimale është rritur me 1 mijë lekë çdo vit, duke arritur në 22000.

Rritja më e ndjeshme ka arritur në 4 mijë në janar të vitit 2021. Në historinë e viteve të sipërpërmendura, nuk ka dodhur që paga minimale të rritet dy herë brenda vitit. Në prillin e vitit 2022 paga minimale arrtiti në 32000 e ndërsa 5 muaj me pas qeveria Rama vendosi që paga minimale të shkonte në 34000.

Si asnjëherë më parë rritja e pagës minimale prillin e këtij viti do të kapërcejë në 6 mijë lekë më shumë.

Diamila Leka/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.