Nga bizneset VIP te Financat! Kush është drejtuesja e re e Drejtorisë së Parandalimit të Pastrimit të Parave
Elvis Koçi, drejtor i Përgjithshëm i Drejtorisë së Përgjithshme të Parandalimit të Pastrimit të Parave është liruar nga detyra. Vendimi është miratuar nga Këshilli i Ministrave në mbledhjen e fundit. Po në të nujëjtin vendim, qeveria ka miratuar zonjën Iris Ago drejtor të Përgjithshëm të Drejtorisë së Përgjithshme të Parandalimit të Pastrimit të Parave.
Ago mban pozicionin e Këshilltarit të Ministrit të Financave dhe Ekonomisë që prej muajit Dhjetor 2021. Më herët ka mbajtur pozicionin e Drejtor në Drejtorinë e Tatimpaguesve të Mëdhenj ( Gusht 2020- Nëntor 2021); ka drejtuar Drejtorinë e Kontrollit Tatimor, pranë Drejtorisë së Përgjithshme të Tatimeve (Shkurt 2017- Korrik 2020), raporton SCANTV.
Në vitin 2009 është diplomuar në Fakultetin e Ekonomisë, Universiteti i Tiranës, dega FinancëKontabilitet, më tej ka vazhduar studimet Master Shkencor gjatë viteve 2010-2013, pranë Universitetit Europian të Tiranës, si dhe zotëron titullin MSc Bankë dhe Sigurime.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.