Ngadalësimi i ekonomisë rrëzon tregjet – Të dhënat në SHBA sugjerojnë për një recesion në 2023
Bursat europiane po qëndrojnë në rënie në sesionin e sotëm, për shkak të shenjave për ngadalësimin e ekonomisë globale, që është një ndër temat kryesore të diskutimeve edhe në Forumin Ekonomik Botëror të Davosit. Indeksi pan-Europian Stoxx 600 po qëndron në rënie me rreth 0.6%, me sektorin e naftës dhe gazit që kryeson humbjet, në rënie me rreth 1.9%.
Gjatë ditës së sotme në samitin e Davosit do të flasin shefat ekzekutivë të Enel, Merck, Rio Tinto dhe liderët e Holandës dhe Irlandës. Edhe indekset kryesore në Wall Street ranë ndjeshëm në sesionin e kaluar, për shkak të të dhënave zhgënjyese mbi shitjet me pakicë për dhjetorit, që kanë shtuar mundësitë për një recesion.
Shitjet me pakicë në SHBA ranë me 1.1%, gjatë dhjetorit, ndërsa analistët parashikonin një rënie prej 1%. Në këtë situatë, investitorët po përgatiten për një recesion, gjatë këtij viti dhe po ripozicionohen në tregje.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.