Nis reforma për bashkëpronësinë në martesë – Qeveria merr 50 milionë euro borxh për fuqizimin e grave
Qeveria shqiptarë ka marrë një hua prej 50 milionë eurosh nga Agjencia Franceze për Zhvillim, e cila synohet të përdoret në funksion të mbështetjes së barazisë gjinore në aksesin ndaj mundësive ekonomike në Shqipëri. Marrëveshja në fjalë është ratifikuar dhe është botuar në fletoren Zyrtare për të marrë më tej fuqi ligjore. Sipas marrëveshjes, shuma do të vihet në dispozicion të qeverisë shiptare, përfaqësuar nga Ministria e Financave, gjatë periudhës së disponibilitetit, përmes 3 kësteve, ku kësti i parë është 25 milionë euro dhe dy këstet e tjera përkatësisht nga 12.5 milionë euro.
Objektivat përdorimit të huasë janë janë: përmirësimi i aksesit të femrave tek asetet; nivelimi i fushës së lojës për të rritur mundësitë e tregut të punës për femrat; dhe forcimi i masave institucionale për krijimin e politikave të informuara gjinore. Konkretisht faza e parë do të fokusohet në mbrojtjen e të drejtave të pronësisë së femrave.
Qeveria ka ndërmarrë hapa konkrete drejt operacionalizimit të NISA (Sistemi i Informacionit Noterial të Akteve), i cili do të përfshijë tipare që lejojnë noterët të konfirmojnë se kanë kontrolluar statusin martesor të individëve dhe kanë njohur bashkëpronësinë e pasurive të paluajtshme të marra gjatë martesës dhe më pas është parashikuar një shërbim kadastral specifik të dedikuar për korrigjimin e emrit të pasurive të paluajtshme të regjistruara në emër të një bashkëshorti që supozohet se janë në pronësi për të korrigjuar nënregjistrimin e bashkëpronarëve femra në regjistrat ekzistues të pasurive në Shqipëri.
Në fazën e dytë marrëveshja ka në foskus barazinë e femrave me meshkujt në vendin e punës, lidhur me kushtet, pagat, pagesën e sigurimeve shoqërore dhe shëndetësore dhe më pas programi shtrihet në zgjerimin e aksesit të fermave në fshat në ekonomi si dhe arsim.
Elisabeta Dosku / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.