Nisin shpronësimet në zonën e re për zhvillim në Spitallë, Bashkia Durrës – 99 milion lekë për përfituesit
Nëpërmjet një njoftimi të publikuar në Fletoren Zyrtare është bërë me dije se Agjencia Shtetërore për Shpronësimin ka shpallur kërkesën, për shpronësim dhe/ose shkëmbim të pronës, për interes publik, në funksion të procesit të rindërtimit, në zonën e re për zhvillim në Spitallë, Bashkia Durrës –“Rikonstruksioni i rrugëve ‘Miqësia’ dhe ‘Azem Hajdari’, loti III –rruga “Azem Hajdari”, loti IV –rruga ‘Vala e Detit’”.
Njësia zbatuese për këtë projekt është Fondi Shqiptar i Zhvillimit. Personat e prekur nga ky shpronësim dhe/ose për shkëmbim, për interes publik, për pasuritë e paluajtshme, pronë private, të cilat do të kompensohen sipas vlerësimit paraprak të llogaritur.
Kërkesa për shpronësim dhe/ ose shkëmbimin e pronës, për interes publik, në funksion të procesit të rindërtimit, është me vlerë totale paraprake të kompensimit nga shpronësimi prej 99,138,054.44 (nëntëdhjetë e nëntë milionë e njëqind e tridhjetë e tetë mijë e treqind e pesëdhjetë e katër pikë dyzet e katër) lekësh.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.