Nissan humb 687 milionë dollarë në Rusi – Kompania do ja shesë shtetit rus për 1 euro asetet, për ta riblerë biznesin brenda 6 viteve

Kompania japoneze e prodhimit të makinave, Nissan do t’ia dorëzojë biznesin e saj në Rusi një entiteti shtetëror për 1 euro duke regjistruar një humbje prej rreth 687 milionë dollarë. Vendimi shënon daljen e fundit të kushtueshme nga Rusia të një kompanie globale. Marrëveshja do t’i japë Nissan të drejtën për të blerë biznesin brenda gjashtë viteve, tha ministria ruse e industrisë dhe tregtisë.

Shitja do të përfshijë fabrikën e makinave të Nissan dhe objektet kërkimore në Shën Petersburg, si dhe qendrën e saj të shitjes dhe marketingut në Moskë.

Nissan kishte pezulluar prodhimin në fabrikën e Shën Petersburg në mars për shkak të ndërprerjeve të zinxhirit të furnizimit. Që atëherë, kompania dhe njësia e saj vendore kishin monitoruar situatën. Partneri i vogël i aleancës, “Mitsubishi Motors”, po konsideron gjithashtu daljen nga Rusia, por një zëdhënës i Mitsubishi tha se asgjë nuk ishte vendosur.

Marrëveshja shënon daljen më të fundit të kompanisë së madhe që kur Rusia dërgoi dhjetëra mijëra trupa në Ukrainë në shkurt dhe pasqyron një lëvizje të partnerit të saj të aleancës Renault, e cila shiti pjesën më të madhe të aksioneve të saj në prodhuesin rus të automjeteve AvtoVAZ tek një investitor rus në maj.

Largimi vjen pasi Nissan ka nisur një ndryshim të madh në marrëdhëniet e saj me Renault. Partnerët thanë se ishin në bisedime për të ardhmen e aleancës së tyre, duke përfshirë Nissan dhe konsideruar investimin në një sipërmarrje të re të automjeteve elektrike nga Renault.

Renault, e cila zotëron 43% të Nissan, vlerësoi se vendimi i partnerit të saj japonez do të çonte në një humbje prej 331 milionë euro në të ardhurat e saj neto për gjysmën e dytë të 2022.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.