“Nomadët digjitalë”, jo rezidentë tatimorë – Bilali: Ndryshime në ligj, do të ndërtojmë edhe agjencinë e start up-eve

Të gjithë qytetarët shqiptarë që punojnë online dhe jo në një zyrë apo vend fiks, për kompani të ndryshme shqiptare apo të huaja, nuk do të paguajnë rezidencë tatimore për një vit. Ky është një ndër ndryshimet që Ministria e Sipërmarrjes ka ndërmarrë në kuadër të zhvillimit të start up-ve në vendin tonë.

Edona Bilali, ministrja e Sipërmarrjes u shpreh se: “Sot, miratuam ndryshimin e ligjit për mbështetjen e Start Up-eve. Kjo shërben për punonjësit digjital, ose e thënë ndryshe për punonjësit të cilët shfrytëzojnë teknologjinë për të mos punuar nga një vend fiks po lëvizin gjithë botën dhe punojnë nga çdo vend. Aktualisht janë 100 të tillë dhe për një vit ata do të kenë të drejtën të mos jenë rezident tatimor dhe deri në një vit mund të punojnë nga Shqipëria për të gjithë botën..“

Në Shqipëri ka rreth 100 nomad dixhitalë të cilët kanë zgjedhur të ushtriojnë profesionin e tyre online. Ndërkohë për qytetarët të cilët do të paraqesin ide të reja novatore për start upet do të ndërtohet Agjencia e Start Up-eve.

“Ndryshimi tjetër konsiston në ndërtimin e agjencisë së Start Up-eve, kjo vjen si iniciativë e re pas përfitimeve që pamë nga investimi i vjetshëm. Synojmë që këtë vit të rrisim efiçencën dhe të shkurtojmë kohën e disbursimit të granteve. E shohim si efikas këtë targetgrup me potencial në Shqipëri,” tha ajo.

Zhvillimi ekonomik i vendit por edhe lehtësimi i hyrjes në treg të bizneseve me ide novatore është qëllimi i ligjit të Start Upeve.

Marinela Lina / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.