“Normat e interesit kanë arritur kulmin”! – Guvernatori i Bankës së Anglisë: Politika monetare s’mund të largojë tronditjen financiare

Guvernatori i Bankës së Anglisë, Andrew Bailey, paralajmëroi se normat e interesit mund të kenë arritur kulmin, pas 10 rritjeve të njëpasnjëshme të kostos zyrtare të huamarrjes që nga dhjetori 2021. Bailey tha se ‘Threadneedle Street’ do të vlerësojë ndikimin e një politike më të ashpër në ekonomi përpara se të sanksionojë çdo lëvizje të re.

Megjithatë, guvernatori paralajmëroi gjithashtu se Banka e Anglisë ishte vigjilente ndaj rrezikut të përsëritjes së gabimeve të viteve ‘70 dhe nuk do të hezitonte të rriste më tej normat nga 4% e tyre aktuale, nëse presionet inflacioniste do të vijonin.

Bailey votoi në mbështetje të një rritjeje prej çerek pikësh të normave të interesit në takimin e fundit të komitetit të politikës monetare me nëntë anëtarë të Bankës në shkurt, por e bëri të qartë se ai tani po miratonte një qasje sikpas të cilë duhet pritur dhe analizuar.

Ai theksoi se në këtë fazë do të këshillonte një kundërshtin të sugjerimit se ka rritja e normës së Bankës së Anglisë, ose se në mënyrë të pashmangshme do të duhet bërë më shumë. Bailey shtoi se një rritje e mëtejshme e normës mund të rezultojë e përshtatshme, por asgjë nuk është vendosur ende. Të dhënat do të shtojnë pamjen e përgjithshme të ekonomisë dhe perspektivën për inflacionin, dhe kjo do të ndikojë në zgjedhjen e politikave për t’u ndjekur.

Bailey tha se programet e komunikimit të Bankës me publikun i kishin sjellë atij ndikimin që kishte inflacioni i lartë në jetën e njerëzve. Edhe pse ka rënë pak nga kulmi i tij prej 11.1% në fund të vitit të kaluar, panorama për koston e jetesës ende tregon se inflacioni shkon në 10.1%.

Bailey shtoi se Mbretëria e Bashkuar ishte prekur nga një sërë “goditjesh të rëndësishme ekonomike” – duke përfshirë Brexit, Covid dhe rritjen e çmimeve globale të energjisë të lidhura me pushtimin e Rusisë në Ukrainë – dhe nuk ekzistonte “një rrugëdalje të lehtë”.

Njerëzit me të ardhura më të ulëta po luftojnë për të përballuar jetesën dhe Banka duhet të sigurojë që situata të mos përkeqësohet duke lejuar që “inflacioni i krijuar në vend” të bëhej i qëndrueshëm.

Në fund të deklaratës së tij Bailey theksoi se politika monetare nuk mund të largojë tronditjen ndaj të ardhurave reale kombëtare. Por ajo që politika monetare mund – dhe duhet – të bëjë është të sigurohet që inflacioni që ka ardhur nga jashtë të mos bëhet inflacion i qëndrueshëm, i krijuar në vend. Inflacioni i bërë në ‘shtëpi’ nuk do i sjellë asnjë të mirë vendit, dhe ata me fuqi të dobët negociuese do të mbeten më prapa.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.