OBT vendos kundër Indisë në mosmarrëveshjen për tarifat e IT me BE-në, Japoninë dhe Tajvanin!

Një panel i Organizatës Botërore të Tregtisë tha se India kishte shkelur rregullat e tregtisë globale në një mosmarrëveshje me Bashkimin Europian, Japoninë dhe Tajvanin mbi detyrimet e importit për produktet e IT.

“Ne rekomandojmë që India të sjellë masa të tilla në përputhje me detyrimet e saj,” thuhet në raportin e panelit të OBT-së.

Në vitin 2019, BE-ja sfidoi futjen e tarifave të importit nga India midis 7.5% dhe 20% për një gamë të gjerë produktesh IT, si telefonat celularë dhe komponentët, si dhe qarqet e integruara, duke thënë se ato e tejkalonin normën maksimale. Japonia dhe Tajvani paraqitën ankesa të ngjashme po atë vit.

BE-ja është partneri i tretë më i madh tregtar i Indisë, duke zënë 10.8% të tregtisë totale indiane në vitin 2021, sipas Komisionit Europian.

Brukseli tha në një deklaratë se deri në 600 milionë euro (654.66 milionë dollarë) të eksporteve të tij ndikoheshin drejtpërdrejt nga tarifat e Indisë në baza vjetore.

“Respektimi i sistemit tregtar të bazuar në rregulla është jetik për një marrëdhënie të mirë tregtare”, shtoi departamenti i tij i tregtisë në një postim në Twitter, duke i përshkruar tarifat si “të paligjshme”.

Nëse ndodh, çështja do të vendoset në purgatorin ligjor, pasi selia kryesore e apelit e OBT-së nuk funksionon më për shkak të kundërshtimit të SHBA-së për emërimet e gjyqtarëve.

Paneli i OBT-së tha se India kishte sjellë tashmë disa nga tarifat e sfiduara në përputhje me rregullat e tregtisë globale që nga viti i kaluar. Ndërsa paneli mbështeti gjerësisht ankesat kundër Indisë, ai hodhi poshtë një nga pretendimet e Japonisë se njoftimit doganor të Nju Delhit i mungonte “parashikueshmëria”.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.