OECD, pritshmëri për rritje ekonomike – Rimëkëmbja paralajmërohet të jetë e brishtë
Perspektiva ekonomike globale është përmirësuar në krahasim me disa muaj më parë pasi tronditja si pasojë e inflacionit është lehtësuar, por rritja e normave të interesit do t’i ruajë në nivel të lartë rreziqet të. Deklarata u bë ngs OECD, që njëkohësisht përmirësoi parashikimet e saj të rritjes për ekonomitë kryesore.
Pas rritjes prej 3.2% vitin e kaluar, ekonomia botërore do të zgjerohet me 2.6%, pasi masat e marra nga banka qendrore hynë në fuqi, sipas Organizatës për Bashkëpunim Ekonomik dhe Zhvillim në perspektivën e saj të përkohshme ekonomike.
Organizata me bazë në Paris rriti parashikimin e saj për rritjen globale nga 2.2% në Perspektivën e saj të fundit Ekonomike në nëntor, duke përmendur një rënie të çmimeve të energjisë dhe ushqimeve dhe lehtësimin nga Kina të kufizimeve të saj anti-COVID.
Duke bërë vlerësimet për vitin e ardhshëm, rritja globale pritej të përshpejtohej në 2.9% – krahasuar me një parashikim të nëntorit prej 2.7% – pasi goditja në të ardhurat e familjeve nga çmimet e larta të energjisë u zbeh.
OECD parashikoi që inflacioni në grupin e 20 ekonomive kryesore do të bjerë nga 8.1% vitin e kaluar në 5.9% këtë vit dhe do të bjerë më tej në 4.5% në 2024 – ende shumë mbi objektivat pavarësisht rritjes së normave të interesit nga shumë banka qendrore.
Sipas OECD ndikimi i plotë i normave më të larta të interesit ishte i vështirë për t’u vlerësuar, duke paralajmëruar se rritja e presionitt për huamarrësit mund të përkthehet në humbje për disa banka, duke përmendur si shembull kolapsin e fundit të Silicon Valley Bank në Shtetet e Bashkuara të Amerikës.
Duke lënë mënjanë trazirat në tregjet financiare pas dështimit të SVB dhe shqetësimet e vazhdueshme për huadhënësin zviceran Credit Suisse, Banka Qendrore Europiane rriti normat e interesit me gjysmë pikë përqindje të mëtejshme për të luftuar inflacionin.
OECD parashikoi që normat e politikës së bankës qendrore do të arrinin në 5.25-5.5% në Shtetet e Bashkuara të Amerikës dhe 4.25% në Eurozonë dhe Britani me një rënie të inflacionit që mund të lejojë një lehtësim “të butë” vitin e ardhshëm.
OECD parashikoi që rritja ekonomike e SHBA-së do të ngadalësohej nga 1.5% këtë vit në 0.9% vitin e ardhshëm, pasi normat më të larta të interesit ‘ftohën’ kërkesën. Me rritjen e tregut të punës në SHBA më mirë se sa pritej, parashikimi për këtë vit u rrit nga 0.5% në nëntor dhe zbriti nga 1% për vitin 2024.
Dorina Kurtaj / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.