Orientimi drejt tregut të punës – Studentët diskutim me drejtues të Intesa SanPaolo Bank dhe Balfin Group!

Funksionimi i koorporatës, orientimi drejt tregut të punës dhe rruga drejt kryesimit të korporatës. Këto ishin disa nga temat që u diskutuan me studentët e Universitetin Zoja e Këshillit të Mirë, me drejtues të Balfin Group dhe Intesa SanPaolo Bank.

Vittorio Teotonico, Dekan Fakulteti i Shkencave Ekonomike u shpreh: “Jemi shumë të lumtur që dy drejtues, të dy prej sipërmarrjeve më të rëndësishme ndërkombëtare që operojnë edhe në Shqipëri, Grupi Balfin një konglomerat i pranishëm në 9 shtete dhe Intesa SanPaolo, banka më e madhe në Itali, janë sot me ne”.

Duke marrë në konsideratë se ata ende nuk kanë nisur hapat drejt karrierës, Drejtuesja ekzekutive e Balfin Grup, Edlira Muka i inkurajoi të fitojnë njohuritë e duhura sesi funksionon biznesi, si një formë për avancim drejt karrierës.

Ndërkaq Edlira Muka, Drejtuese Ekzekutive Balfin Group tha: “I ftoj të gjithë studentët të vijnë e të shikojnë që sa janë Akoma në universitet, sesi operon një kompani. Brezi im nuk e ka pasur këtë mundësi./ Kjo ju bën të kuptoni si organizohen kompanitë dhe është një pikë kontakti e rëndësishme për momentin kur do të doni të nisni karrierën profesionale. Vizitoni B4Students online dhe shiko mundësitë që Grupi Balfin ju ofron. Kemi një paketë të plotë me disa programe në mbështetje të studentëve që kanë ambicie e duan të rriten”.

Teksa ndau eksperiencat si një drejtuese e mbi 5000 punonjësve, Zonja Muka i theksoi studentëve që pozicionet drejtuese duhet të jenë për më tepër se sa sigurimi i fitimeve për shoqëritë. Gjithashtu studentëve drejtuesi i Intesa SanPaolo, Alessandro D’Oria u dha sugjerime përtej studimeve në universitet: “Empatia është një element shumë i rëndësishëm që duhet të ketë një drejtues. Prandaj ju ftoj që ta kultivoni atë duke u marrë me sport, muzikë, me art në përgjithësi. Nuk mjafton vetëm aktiviteti në universitet.”

Gjithçka u diskutua, do t’i shërbejë të rinjve si një guidë orientuese për t’u përgatitur më mirë për tregun e punës dhe pritshmëritë që ata kanë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.