Parashikohen 16 mijë aplikime për punë nga të huajt – Tola: Bashkëpunimi me vendet e varfëra dëmton ekonominë vendase
Kërkesa e subjekteve për punonjës sa vjen e rritet, por interes i lartë po tregohet dhe nga punëtorët e huaj për të punuar në bizneset shqiptare. Shifrat parashikohen të dyfishohen.
Për ekspertët e ekonomisë ardhja e punëtorëve të huaj mes vendeve të treta nuk shihet pozitiv.
Igli Tola, Ekspert Ekonomie u shpreh se: “Bashkëpunimi midis dy vendeve të varfëra, varfëron të dyja vendet. Pra marrja e e punonjësve të pakulalifikuar nuk do të sjell asnjë vlerë të shtuar në ekonominë shqiptare. Sepse këto punonjës nuk sollën vlerë të shtuar në vendet e tyre.”
Kostoja e fuqisë punëtore të huaj nis që nga bileta e duke vazhduar te akomodimi.
Shqipëria tashmë për punonjësit e huaj po shihet dhe si mundësi e artë e largimit drejt vendeve të BE, ekspertët sugjerojnë kontrolle periodike.
“Parimisht duket dicka e vështirë, me mundësinë e parë ata largohen drejt BE. Ajo që duhet parë, duhet bërë një kontroll i detajuar, periodik nga instancat tona”, tha Tola.
Diamila Leka/ SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.