Parku Fotovoltaik në Karavasta, më i madhi në Ballkan – Rama: E Transformojmë Shqipërinë në vend të pavarur sa i përket energjisë
Kryeministri Edi Rama mori pjesë të premten në ceremoninë e nisjes së punimeve Parkun Fotovoltaik të Karavastasë, Parkun më të madh diellor në Ballkanin Perëndimor, me kapacitet prej 140 megavat, i shtrirë në një sipërfaqe prej 198 hektarë, që do të realizohet nga kompania franceze Voltalia, lider botëror në sektorin elektroenergjitik.
Ai tha se Në funksion të objektivit kryesor që është rritja e sigurisë energjitike ky projekt është mundësia më e mirë e Shqipërisë për diversifikimin e burimeve të prodhimit të energjisë, ndërkohë që ai do të jetë i rëndësishëm për sigurinë energjetike të Ballkanit perëndimor.
Rama përsëriti vizionin e Qeverisë, për ta transformuar Shqipërinë në një vend tërësisht të pavarur nga pikëpamja energjetike dhe në një eksportues neto të energjisë.
Kryeministri bëri publik edhe lajmin për një marrëveshje me ENAGAS-in e Spanjës, lidhur me sasitë e gazit dhe të naftës të zbuluar në zonën e Shpiragut.
Lorenc Rabeta / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.