Pastrimi i parave, Shqipëria përsëri notë “ngelëse” në tetor – Ish-Kreu i DPPPP, Elvis Koçi: Vendimi mund të lidhet me debatet për amnistinë fiskale
Task Forca Evropiane për Veprimin Financiar, përgjegjëse për rrezikun e pastrimit të parave, e ka përkufizuar përsëri Shqipërinë si vend me risk të lartë i cili do ndiqet me vëmendje të shtuar. Shqipëria në raportin e tetorit të FATF ka mbetur në listën gri të vendeve që konsiderohen me deficenca strategjike.
“FATF” shprehet me shqetësim që Shqipëria dështoi të përmbushte planveprimin, afati ië të cilit përfundoi në shkurt të vitit 2022, shkruan në deklaratë Task Forca Evropiane. Më tej në deklaratë theksohet se Taska Forca e nxit me forcë Shqipërinë të tregojë menjeherë progres domethënës në përmbushjen e planveprimit të saj, në të kundërt FATF do marrë në konsideratë hapa të tjerë nëse nuk ka progres të pamjaftueshëm.
Në një intervistë ekskluzive për Scan Televizion, ish kreu i Drejtorisë së Përgjithëshme të Parandalimit të Parave Elvis Koçi thotë se një vendim i tillë mund të jetë ndikuar nga debatat mes shtetit shqiptar dhe BE për Aministinë Fiskale.
Në listën e vendeve me vëmendje të shtuar të task Forcës europiane gjenden shtete si Burkina Faso, Kamboxhia, Haiti, Xhamaika, Panamaja apo Filipinet.
Lorenc Rabeta / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.