Paundi dhe dollari, në rritje – Mbështeten nga përmirësimi i aktivitetit të biznesit gjatë shkurtit
Paundi dhe dollari amerikan kanë një tendencë në rritje edhe në sesionin e sotëm, për shkak të përmirësimit të aktivitetit të biznesit në Shtetet e Bashkuara të Amerikës dhe në Mbretërinë e Bashkuar, që kanë rritur pritshmëritë se bankat qendrore në këto vende do të vijojnë me politikën monetare shtrënguese. Aktiviteti i biznesit në SHBA regjistroi një rritje surprizë gjatë shkurtit, duke prekur nivelin më të lartë në 8 muajt e fundit.
Edhe në Mbretërinë e Bashkuar, indeksi PMI për manifakturën dhe shërbimet u rrit në 53 pikë, për herë të parë që nga korriku i vitit 2022. Indeksi që mat ecurinë e dollarit amerikan, përballë shportës me 6 monedhat kryesore ndërkombëtare po qëndron në rreth 104, niveli më i lartë në 6 javët e fundit.
Në anët tjetër, euro po këmbehet në rreth 1.065 dollarë. Në tregun e kriptomonedhave, bitcoin ka humbur terren dhe po këmbehet në rreth 24 mijë dollarë, ndërsa ethereum po tregtohet në rreth 1640 dollarë.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.