Paundi prek nivelin më të ulët në histori – Ndikohet nga paketa e qeverisë për uljen e taksave dhe incentivat për investime

Paundi britanik ka prekur një niveli të ri rekord përballë dollarit amerikan, në sesionin e parë të kësaj jave, pas njoftimit të qeverisë britanike se do të ndërmarrë ulje të taksave dhe incentiva në investime për të mbështetur rritjen ekonomike. Paundi humbi rreth 4% të vlerës gjatë sesionit aziatik, duke prekur nivelin më të ulët në histori, në rreth 1.0380 dollarë. Por, analistët shprehen se nga këto masa ekonomike do të përfitojnë vetëm të pasurit, ndërsa borxhi i qeverisë do të arrijë nivele rekord për shkak të rritjes së interesave.

Për këtë arsye, paketa e masave do të jetë një “sfidë e madhe” edhe për Bankën e Anglisë për të luftuar inflacionin, në një kohë që qeveritë përpiqen të mbështesin ekonomitë. Edhe monedhat në rajonin e Azi-Paqësorit u dobësuan përballë dollarit amerikan.

Edhe monedha e përbashkët europiane, euro, është gjendur nën presion, si një reagim ndaj rezultatit të zgjedhjeve në Itali. Kandidatja e partisë “Vëllezërit e Italisë”, Giorgia Meloni, ka fituar rreth 26.4% të votave, duke u bërë kryeministrja e parë grua në historinë e Italisë.

Ndërsa koalicioni i ekstremit të djathtë ka marrë deri tani mbi 44% të votave. Indeksi që mat ecurinë e dollarit amerikan është rritur ndjeshëm, gjatë këtij viti, për shkak të politikës monetare agresive të Rezervës Federale.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.