Pavlefshmëria e kontratave të tenderëve, “në dorë” të KPP – Rregullorja/ Gjoba për institucionet, në rast shkeljesh. Masa, deri në 10% e vlerës së kontratës

Komisioni i Prokurimit Publik do mund të shpallë të pavlefshme një kontratë tenderi,  në rast të konstatimit të shkeljeve. Këshilli i Ministrave ka miratuar rregullat që duhet të ndiqen, duke i hapur rrugë zbatimit të ligjit që u miratua në vitin 2020. Sipas dokumentit të miratuar në muajin korrik, me marrjen e ankesës KPP duhet të vendosë pezullimin e menjëhershëm të zbatimit të kontratës, deri në marrjen e vendimit përfundimtar, me përjashtim të rasteve kur pezullimi mund të cenojë interesin e përgjithshëm.

Janë disa raste kur KPP mund të shpallë të pavlefshme kontratën, duke përfshirë nënshkrimin e saj pa publikuar paraprakisht shpalljen e njoftimit të kontratës, kur nuk janë zbatuar procedurat e ankimit, duke privuar personat e interesuar për të ushtruar të drejtën e tyre për ankim apo kur nuk janë zbatuar rregullat për rihapjen e garës për kontratat e lidhura në bazë të një marrëveshjeje kuadër me disa operatorë ekonomikë.

Po ashtu, një kontartë për punë, mallra apo shërbime mund të shpallet e pavlefshme kur është nënshkruar në kushtet e konfliktit të interesit apo në rastet kur institcioni e ka nënshkruar, duke mos respektuar vendimin e dhënë nga Komisioni i Prokurimit Publik.

Ndërkaq, sa i takon çështjeve të interesit të përgjithshëm, që mund të pengojnë KPP-në për të shpallur pavlefshërinë e kontraës, vendimi i qeverisë përcakton se këtu nuk përfshihen kostot: Për Shkak të vonesave të zbatimit të kontratës, për shkak të shpalljes së një procedure të re prokurimi, për ndryshim të operatorit ekonomik që do zbatojë kontratën dhe kostot për shkak të detyrimeve ligjore si pasojë e pavlefshëmrisë.

Ndërkaq, në përfundim të shqyrtimit të ankesës, nëse nuk shpallet pavlefshëria KPP do ketë të drejtë të vendosë shkurtimin e afatit të zbatimit të kontratës apo dënimin me gjobë të autoritetit kontraktor për shkelje të konstauara. Gjoba nuk duhet të jetë më e lartë se 10% e vlerës ssë kontratës së nënshkruar. Vendimi i KPP mund të anikohet në Gjykatën Administartive të Apelit, ndërkohë që rregullorja e qeverisë do hyjë në fuqi në datën 15 gusht.

Ola Mitre / SCAN

 

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.