Perspektiva e errët ekonomike e Britanisë – Shitjet me pakicë në vend rekuperohen vetëm pjesërisht

Shitjet me pakicë në Britaninë e Madhe janë rekuperuar vetëm pjesërisht muajin e kaluar, pasi dyqanet u mbyllën në shtator për funeralin e Mbretëreshës Elizabet, duke qëndruar në nivelin e para pandemisë. Në një kohë që inflacioni në vend vijon të godasë fuqinë blerëse

Vëllimet e shitjeve me pakicë u rritën në tetor me 0.6% nga muaji në muaj, pas një rënieje prej 1.5% në shtator.

Një sondazh i agjencisë Reuters me ekonomistët kishte vënë në dukje një rritje prej 0.3% nga shtatori kur Britania organizoi një ceremoni të vetme publike për të shënuar funeralin e mbretëreshës, e cila u respektua nga shumë biznese, përfshirë shitësit me pakicë.

Sipas të dhënave zyrtare, vëllimet e shitjeve me pakicë mbetën 0.6% më të ulëta se niveli i tyre para pandemisë, një konfirmim i sfidës ekonomike me të cilën përballet ministri i financave Jeremy Hunt, i cili vetëm një ditë më parë u shpreh se Britania ishte në një recesion.

Megjithatë, ai tha se do të ketë rritje taksash dhe një qasje më të rreptë ndaj shpenzimeve publike për të rregulluar financat publike dhe reputacionin e politikës ekonomike të vendit pas “mini-buxhetit” kontrovers të ish-kryeministres Liz Truss.

Konsumatorët kanë reduktuar shpenzimet e tyre ndërsa inflacioni është rritur, duke arritur në 11.1% në tetor sipas të dhënave të publikuara në fillim të kësaj jave.

Zyra për Buxhetin tha se të ardhurat e disponueshme të familjeve do të bien me 4.3% në vitin aktual financiar dhe me 2.8% në 2023/24, rënia më e madhe e të dhënave që datojnë që nga vitet 1950.

Kjo rënie dyvjeçare do të zhdukte të gjithë rritjen e standardeve të jetesës gjatë tetë viteve deri në vitin 2022. Dhe pse sipas një sondazhi të publikuar së fundmi, tregohet se besimi i konsumatorëve u përmirësua këtë muaj nga tetori, gjithësesi ai mbetet afër nivelit më të ulët historik.

SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.