Përvetësoi 16 700 euro nëpërmjet mashtrimit me premtimin se do t’u siguronte viza pune në Mbretërinë e Bashkuar / Policia arreston shtetasen

Nëpërmjet një njoftimi të publikuar, Policia e Shtetit ka njoftuar finalizimin e operacionit policor të koduar “Deceit” ku është vënë në pranga një shtetase 32 vjeçare me iniciale K.H pasi nëpërmjet mashtrimit ka përvetësuar 16700 euro.

Arrestimi i shtetases K. H. u bë pas kallëzimit nga shtetasit D. Sh. dhe A. Sh., të cilët kanë deklaruar se 32-vjeçarja, e cila administronte një agjensi turistike, me anë të mashtrimit, u kishte marrë atyre shumën e parave 16 700 euro, me premtimin se do t’u siguronte viza pune në Mbretërinë e Bashkuar, si dhe për paketa turistike.

Në cilësinë e provës materiale janë sekuestruar 11 pasaporta, policë sigurimi dhe blloqe me shënime të ndryshme.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.