Prodhuesi i automjeteve mbledh 100 milion dollarë por jo për makina – Paratë do të investohen në krijimin e robotëve shtëpiak

XPeng Robotics, kompania degë e prodhuesit kinez të makinave elektrike XPeng, tha se ka mbledhur 100 milionë dollarë si pjesë e synimit të saj për të komercializuar robotikën shtëpiake në dy vitet e ardhshme.

Financimi u drejtua nga firma e profilit të lartë të kapitalit të sipërmarrjes IDG Capital, me XPeng gjithashtu pjesëmarrës.

XPeng Robotics tha në një njoftim për shtyp se paratë do të përdoren për të forcuar investimin e saj në kërkim dhe zhvillim në harduer dhe softuer robotik, për të rekrutuar talente, për të përshpejtuar zhvillimin e produktit dhe për të rritur teknologjinë dhe konkurrencën e produktit.

Kompania tha se pret që robotët e saj të parë të hyjnë në familje në dy vitet e ardhshme.

Vitin e kaluar, XPeng Robotics lançoi një “robot unicorn” me katër këmbë të lëvizshme si projektin e saj të parë.

Ndërsa fokusi kryesor i XPeng është ende në rritjen e shitjeve të automjeteve elektrike në Kinë dhe së fundmi jashtë vendit, kompania ka mbajtur një sy në të ardhmen nëpërmjet subjekteve spin-off.

XPeng Robotics fokusohet te robotët ndërsa një kompani tjetër e quajtur HT Aero, e cila mblodhi më shumë se 500 milionë dollarë nga investitorët e jashtëm vitin e kaluar, po bën përpjekjet e saj në makinat fluturuese. HT Aero publikoi vitin e kaluar një makinë që mund të fluturojë dhe të lëvizë në rrugë.

He Xiaopeng, CEO i XPeng, e sheh robotikën dhe dronët e pasagjerëve si një zgjerim të fokusit të kompanisë në transport.

“Me zhvillimin e teknologjisë, forma e lëvizshmërisë do të evoluojë nga rrotat në krahë, helikë, 4 këmbë ose 2 këmbë”, tha ai për CNBC.

XPengis nuk është i vetmi prodhues i makinave elektrike që lëviz në robotikë. Rivali amerikan Tesla po punon për një robot humanoid të quajtur Optimus, i cili sipas kompanisë mund të hyjë në prodhim vitin e ardhshëm.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.