Pronat shtetërore të paregjistruara – Lame: Të mërkurën kalon VKM-ja për pronat publike
Kreu i Agjencisë Shtetërore të Kadastrës, Artan Lame gjatë ditës së sotme ka zhvilluar një konferencë lidhur me regjistrimin e pronave me fokus tek regjistrimi i pronës shtetërore, ndërsa theksoi se do të ketë një regjistër për pronat publike.
“Tani jemi fokusuar tek regjistrimi i pronës shtetërore. E dimë të gjithë se çfarë ka ndodhur,. Nuk dua të vendos gishtin mbi të shkuarën. Rastet me abuzimin janë të pafundme dhe ka nisur për shkak të mos regjistrimit ndër vite të pronës shtetërore. 260 mijë prona shtetërore, prej këtyre 155 mijë prona u janë transferuar institucioneve qendrore dhe vendore. Vetëm rreth 20 mijë regjistrojnë të regjistruar në kadastër”, u shpreh Lame.
Lame gjithashtu theksoi se çdo vit janë mbi 1 milion aplikime lidhur me situata problematike për çështjen e pronave.
“Të mërkurën do të kalojë në qeveri një VKM për përditësimin e pronave publike, që do të saktësojë procedurën se si do të identifikohen këto prona. Sot po lançojmë projektin e regjistrimit të pronës shtetërore”, u shpreh Lame.
Ai theksoi se të gjitha institucionet shtetërore do kenë mundësinë që pronat e tyre t’i regjistrojnë në e-Albania me qëllim që të mos ketë më abuzime me pronat shtetërore.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.