Pse duhet të rritet paga minimale? – Jaka: Nuk mund të shfrytëzohet fuqia punëtore, të prekurit të ndihmohen
Dhoma e Tregtisë dhe Industrisë Tiranë është pro’ rritjes së pagës minimale në shkallë vendi në 40 mijë lekë. Në një intervistë për SCAN TV, Kryetari Nikolin Jaka, e konsideron këtë lëvizje të vonuar, ndërsa shprehet se fuqia punëtore e pakët nuk duhet shfrytëzuar dhe nuk duhet të jetë e keqpaguar.
Sipas Jakës, industritë e prekura më shumë duhet të ndihmohen deri në momentin që të mund të përballojnë kostot e rritura.
Kreu i Dhomës së Tregtisë, Tiranë kërkon nga qeveria që krahas rritjes së pagës minimale të ndërhyhet edhe për rritjen e produktivitetit të punonjësve, përmes skemave të trajnimit në mënyrë që të jenë të përshtatshëm për punësim.
Elisabeta Dosku/ SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.