Pse një dollar amerikan i fortë është i keq për “pjesë tjetër të botës”!

Dollari amerikan është monedha dominuese në botë dhe luan një rol kyç në tregtinë globale. Ndërsa ky mund të duket si një lajm i mirë për amerikanët, është një lajm i keq për pjesën më të madhe të botës.

“Pra, këtu është paradoksi. Pjesa tjetër e botës e përbuz se sa dominues është dollari, megjithatë ata vazhdojnë me dollarin amerikan, sepse në të vërtetë nuk ka shumë alternativa,” tha Eswar Prasad, një ekonomist në Institutin Brookings dhe profesor tek Universiteti Cornell.

Pavarësisht parashikimeve të vazhdueshme për rënien e dollarit, gati 60% e rezervave valutore të bankave qendrore botërore – paratë që mbahen për të mbuluar emergjencat e papritura financiare – janë investuar në aktive të shprehura në dollarë.

Pjesa e dollarit amerikan si monedhë pagese në mbarë botën është më shumë se 40%, ndërkohë që përbën më shumë se 60% të borxhit ndërkombëtar dhe 50% të kredive në nivel global.

Përveçse janë monedha e përdorur për transaksionet financiare ndërkombëtare, mallrat si nafta blihen dhe shiten gjithashtu në dollarë amerikanë.

Dominimi i dollarit në transaksione shtrihet edhe në sistemin bankar të SHBA-së, i cili, nga ana tjetër, ndikohet nga politikat fiskale dhe monetare të Amerikës.

“Kjo përfundimisht do të forcojë dominimin e dollarit edhe më tej,” tha Prasad. “Ky është sigurisht një problem serioz për vendet me të ardhura të ulëta që kanë nivele të larta të borxhit të jashtëm, veçanërisht borxhit të shprehur në dollarë.”

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.