Qëndrimi ulur i tejzgjatur lidhet me vdekjen e parakohshme!

Një ekip ndërkombëtar shkencëtarësh ka konfirmuar se një mënyrë jetese e ulur, veçanërisht ulja e zgjatur në një karrige, rrit rrezikun e sëmundjeve kardiovaskulare dhe vdekjes së parakohshme.

Studimi afatgjatë përfshiu mbi 100,000 njerëz të moshës 35 deri në 70 vjeç nga 21 vende, të cilët u ndoqën mesatarisht për 11 vjet.

Doli se ata që rrinin ulur për gjashtë deri në tetë orë në ditë, rreziku i vdekjes së hershme dhe sëmundjeve të zemrës u rrit me 12-13 %. Ata që rrinin ulur më shumë se tetë orë në ditë kishin 20 % më shumë rrezik. Lidhja ishte më e fortë në vendet me të ardhura të ulëta dhe të mesme të ulëta.

Krahasuar me ata vullnetarë që raportuan se qëndronin ulur më pak se katër orë në ditë dhe nivele të larta të aktivitetit fizik, pjesëmarrësit që rrinin ulur tetë ose më shumë orë në ditë kishin një rrezik 17-50 % më të lartë për një rezultat negativ të kombinuar (sëmundje kardiovaskulare dhe vdekja e parakohshme) në varësi të nivelit të aktivitetit fizik. Mundësia e një rezultati të dobët u zbut së bashku me rritjen e niveleve të aktivitetit fizik.

Sipas gjetjeve të autorëve, reduktimi i stilit të jetesës së ulur së bashku me rritjen e aktivitetit fizik mund të jetë një strategji e rëndësishme për të reduktuar barrën globale të vdekjeve të parakohshme dhe sëmundjeve kardiovaskulare.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.