Qipro më e shtrenjtë se Greqia – Vakti festiv kushtoi më shumë

Blerësit në Qipro paguan këtë vit deri në 255 euro për ushqimin për darkën e Krishtlindjeve për gjashtë persona, sipas një sondazhi, me koston mesatare 119 euro që mbetet shumë më lart se kostoja që paguan banorët në Greqi.

Më 12 deri më 21 dhjetor, Shoqata e Konsumatorëve të Qipros kreu një anketë mbi koston e darkës së Krishtlindjes si pjesë e misionit të fondacionit të saj për të mbrojtur konsumatorët dhe për t’u ofruar atyre informacion më të plotë.

Gjithsej janë kryer tre anketa të çmimeve me pakicë. Çmimet janë marrë nga katër supermarketet më të mëdhaja në Nikosia si dhe gjashtë supermarkete më të vogla. Sondazhi përfshiu vetëm 35 artikuj ushqimorë dhe pije. Sondazhi përdori të dhënat për të llogaritur koston e një vakti Krishtlindjesh për katër dhe gjashtë persona. Kostoja e darkës së Krishtlindjes përfshinte sasitë e çdo artikulli që normalisht do të kërkonte një familje me katër anëtarë dhe një familje me gjashtë anëtarë. Një shtesë prej 5% iu shtua kostos totale për artikujt e ndryshëm shtesë të nevojshëm në tavolinë, si ujë, limon, kripë, vaj, uthull, peceta, etj.

Të dhënat treguan se për një tryezë “të pasur” me 35 artikuj në Nikosia, një familje me katër anëtarë pagoi 166 euro, ndërsa një familje me gjashtë anëtarë pagoi 241 euro.

Në Athinë, një familje me katër anëtarë pagoi 92 euro, ndërsa një familje me gjashtë anëtarë pagoi 119 euro.

Krahasimi bëhet me anë të të dhënave të regjistruara në Greqi nga Instituti i Tregtisë dhe Shërbimeve të Konfederatës Greke të Tregtisë dhe Ndërmarrjeve, që ka llogaritur koston mesatare të një darke Krishtlindjesh për gjashtë persona këtë vit me vetëm 92.5 €, rreth 12% më shumë nga viti i kaluar.

Sondazhi qipriot zbuloi gjithashtu se familjet me të ardhura të ulëta në Qipro përfshinë vetëm 11 nga 35 artikuj, kështu që një familje me katër anëtarë pagoi 24 € dhe një familje me gjashtë anëtarë pagoi 37 €.

Dallime të konsiderueshme çmimesh midis pikave të shitjes u vunë re dhe për ëmbëlsirat e Krishtlindjeve.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.