Rama takoi miliarderin e Crypto-ve, nisin teoritë konspirative – Eni Shtini: Erdhi në Shqipëri pasi vizitoi Greqinë e Qipron, uroj t’i ketë kërkuar asistencë

Takimi i Kryeministrit Edi Rama me Changpeng Zhao kreun e kompanisë më të madhe të monedhave digjitale në botë ‘Binance’, ka nxitur shumë diskutime në komunitetin shqiptar të kriptoentuziastëve, në një kohë që nuk kanë munguar as teoritë konspirative.

Sipërmarrësi i kriptovalutave Eni Shtini thotë se Zhao mbërriti në Shqipëri pas një vizite në Greqi e Qipro, dhe përreth takimit dihet shumë pak.

Por përtej hamendësimeve, Shtini shpreson shumë që në atë takim Kreu i Qevrisë të ketë kërkuar asistencë nga miliarderi i kriptovalutave, qoftë sa i përket legjislacionit shqiptar ashtu edhe në pëmirësimin e standardeve profesionale të administratës publike në këtë fushë.

Shtini thotë se nga trazirat e fundit në botën e kriptovalutave janë ekspozuar një numër i konsideruar shqiptarët të cilët kishin investuar përmes platformës FTX, e cila tashmë ka nisur procedurat e falimentit.

Lorenc Rabeta/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.