Reforma e tregut të energjisë në Gjermani – Mbështetje më e madhe për furnizimet me energji të rinovueshme

Gjermania do të bëjë pjesën më të madhe të punës këtë vit për të përgatitur tregun e saj të energjisë për mbështetje më të madhe në furnizimet me energji të rinovueshme deri në fund të dekadës. Ministri gjerman i Ekonomisë, Robert Habeck, u shpreh se vendi synon të riparojë tregun me 550 teravat orë në vit, ndërsa kërkesa rritet dhe prodhimi zhvendoset në burime të tjera. E gjitha kjo në një moment që ekonomia më e madhe e Europës largohet nga lëndët djegëse fosile sipas angazhimeve të saj klimatike. Minsitri i ekonomisë premtoi se puna më e madhe do të kryhet brenda vitit 2023.

Qëllimi i Berlinit është të prodhojë 80% të energjisë elektrike nga era dhe dielli deri në vitin 2030, një objektiv që është bërë më i ngutshëm që nga rënia e eksporteve ruse të karburanteve fosile në Gjermani vitin e kaluar.

Për të mbështetur luhatjet në energjinë e gjelbër, pasi prodhimi bërthamor dhe qymyri po hiqetn gradualisht, qeveria do të përgatisë tenderat për kapacitetin e energjisë me gaz. Një strategji për tenderat do të jetë gati këtë tremujor dhe më vonë gazi do të zëvendësohet me alternativa me më pak karbon, si hidrogjeni i prodhuar nga energjia e pastër nëpërmjet elektrolizës.

Një sfidë tjetër do të jetë rritja e njëkohshme e kërkesës për energji për automjetet elektrike dhe pompat e nxehtësisë. Plani i Gjermanisë mund ta veçojë atë nga disa vende të tjera të Bashkimit Europian që ruajnë burime më të qëndrueshme të energjisë.

Përfaqësuesit e industrisë thanë se Gjermania duhet të jetë pragmatike dhe mund të mësojë nga përvojat diku tjetër. Britania prezantoi të ashtuquajturin treg kapacitetesh në 2014 – ën për të joshur investitorët në burimet e rinovueshme dhe për të ulur ndjeshëm intensitetin e qymyrit.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.