Reforma tatimore në Itali – Parlamenti pritet ta miratojë këtë verë

Lamtumirë taksës së automjeteve të luksit dhe taksë e sheshtë për profesionistët nën 35 vjeç. Qeveria në Itali synon miratimin e parë në parlament për ligjin që mundëson reformën tatimore deri në verë. Ndërkohë, më shumë se 600 amendamente në projektligj kanë mbërritur nga partitë në Komisionin e Financave të Dhomës së Përfaqësuesve. Me disa propozime të përbashkëta mes forcave të mazhorancës dhe ekzekutivit.

Teksti parashikon ndër të tjera shtrirjen e taksës së sheshtë në shoqatat profesionale dhe shoqëritë profesionale të përbëra nga të rinjtë. Skema e tarifës së sheshtë do të zbatohet gjithashtu për shoqatat profesionale, partneritetet ndërmjet profesionistëve, partneritetet dhe bizneset familjare të përbërë nga maksimumi tre profesionistë nën moshën 35 vjeç. Organizatat që kanë deklaruar të hyra ose kanë marrë tarifa individuale jo më shumë se 85 mijë euro në vit taksa duhet të jetë 15%.

Gjithashtu synohet heqja e taksës së automjeteve të luksit, kontributit që i takon pronarëve të makinave me fuqi mbi 185 kW. Një taksë që kushton 20 euro për çdo KW mbi 185. Kjo taksë që nga prezantimi i saj u ka kushtuar rreth 1.2 miliardë euro shoferëve italianë.

Lista e shkurtimeve duhet të përfshijë gjithashtu tarifën e diplomës, d.m.th. një kontribut që duhet paguar për regjistrimin. Një taksë që sot kap vlerën e rreth 1 milion euro në vit. Ekzekutivi diskuton edhe për zerimin e mikrotaksave për dhënien e diplomave, për provimet e aftësive dhe për regjistrimin në shkollë. Taksat që kapin vlerën e rreth 44 milionë eurove.

Është dhe hipoteza e uljes së taksave për pagën e trembëdhjetë për punonjësit. Po mendohet se një pagë e jashtëzakonshme siç është ajo e 13 – ta ” i nënshtrohet “një takse më të ulët për të terpuar më shumë para në xhepat e italianëve në muajin e fundit të vitit.

Rishikimi i taksës Tobin është “për t’u verifikuar”. Kjo është taksa mbi transaksionet financiare e vendosur 10 vjet më parë nga Ligji i Stabilitetit. E konceptuar nga Çmimi Nobel për Ekonominë James Tobin për të zbutur spekulimet në tregjet valutore, taksa zbatohet për transferimet e pronësisë së aksioneve dhe instrumenteve të tjera financiare pjesëmarrëse, transaksione që përfshijnë instrumente financiare derivative dhe letra të tjera me vlerë, dhe transaksione “me frekuencë të lartë”. Qeveria thuhet se po punon për tre opsione: 1) shfuqizimin përfundimtar të Tatimit Tobin; 2) përjashtimin për transaksionet jashtë tregjeve të rregulluara (OTC); 3) zgjerimi i përjashtimit për shoqëritë e listuara me kapital tregu deri në 1 miliard euro.

Më pas, ekzekutivi do të donte të ndërhynte në fondet e pensioneve, me qëllim rritjen e pragut të zbritjes. Për momentin, kontributet e paguara në pensionet suplementare janë të zbritshme deri në 5.164 euro në vit.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.